barbaad tamannaa pe ataab aur zyaadaa
haa.N merii mohabbat kaa javaab aur zyaadaa
roye na abhii ahal-e-nazar haal pe mere
honaa hai abhii mujh ko Kharaab aur zyaadaa
aavaaraa-va-majanuu.N hii pe maukuuf nahii.n
kuchh milane hai.n abhii mujh ko Khitaab aur zyaadaa
uThe.nge abhii aur bhii tuufaa.N mere dil se
dekhuu.Ngaaabhii ishq ke Khvaab aur zyaadaa
Tapakegaa lahuu aur mere diidaa-e-tar se
dha.Dakegaa dil-e-Khaanaa_Kharaab aur zyaadaa
ai mutrib-e-bebaak ko_ii aur bhii naGmaa
ai saaqii-e-fayyaaz sharaab aur zyaadaa
